حميد أبو عيسى

إينْ بِسْپارَخْ

كودْ كْشَمْئِـن ِّ قالـَخْ كنَيْخي كلْ هِدّامي وكْشارَي چِهوي

كودْ كخازِنّا صورتـَخْ بليل ِ كياسِقْ يوما وكبسمي كِوي

كِمْ طلبِنَّخْ مْقـَمّا دْهويَتْ ودپَيشَتْ طالي ودْشاتِ صِهْوي

مْنِهرا دْدَقـلـَث ْوكوپـّا دمايا ماي ِ دْزَمْزّمْ نْويءِ بچيري

 كِمْ بائنـَّـخْ ، بِـرْتِدْ نهرين ْ، مْكُـلـِّـحْ لِبّي ، بعـقلي ونيري

هَـيّـو بَـسّـا لَپـِّـشْ لـَـيبي دْسَـپرِن ْ خِـنـّا ، صْـهيلا بيري!

مْناگِـلْ أرْخَخْ

وهـللي إيـذَخْ

إين ْ بِسپارَخْ

دْأثيَـتْ لبيثـَخْ

وْدْشَقلَتْ شوپَخْ

دْسوئِخْ مِنّـَّـخْ

گلـّو كْخَشوِخْ

بْسـوئِخْ مِنـَّخْ؟!

لا لاكْخَشوِخْ

مْسَبَبْ عِطرَخْ

إيل ِ مروحَخْ ؛

نويــئا مْلِـبَّـخْ

وگويلا بْدِمَّخْ

 خِــللي لِــبَّـخْ!

آنا وئيالي مْعومْقا دْلِبَّنْ بـِدْ بائِخْلـَـخْ

وبـِدْ مْسَكْرِخلَي كُلْ يوماثا دكِمْ سَكريلَخْ

وْبْمَلهـِخْ شَمْع ِ دْروزا گـيانـَخْ وْدْبَهري أينَخْ

وْبـِدْ مـْتوجـِـخلـَخْ مِـخْ مَلِـكـْـثا دْخـَهْيَتْ بْأ ُمْثـَـخْ

دْخَهيَتْ بگاوَن ْ بلِبّا پصيخا ودْخاهِخْ بگاوَخْ

خْيـِمـّـا دْ بيثـا وبـْبابا دْ بيثـا وْإيـال ِ ديـَّـخْ!

وبشْ ببائِخْلخْ إيمَنْ دْطَمئِخْ لِخْما دإيذَخْ

كِـمْرَتْ طالي آنا لـَيوَنْ چـو أمِـرْتا وْلا مَـلِـكْـثا

إيوَنْ براتا ألقوشيثا پْـشِطـّا وْسْنِـقتا تـَـحـَـخـِّـمْثا

كْطَلبَنْ مإيشوعْ دْمَزِدْ خيلوخْ تـَمِلِتّادْخَهيا أومثا

آنا كِـبَنْ دْيَـتْوَنْ بْطِلـُّـخْ رِشْ أرْزَلتا  دْخَـليا شِنـْثا

وآيتْ مْسَقْلِتْ بيثي وگنَّي بگودَبَرْتا  وْبگو حَقّوثا

نْشيلوخْ لِبّا كـُدْ كْياصِرْ بگو زِمَّـرْتا كْقاطِلْ موثا؟!

أخني حُبَّـنْ لَتِّ خْلـَصْتا ولا سَكـَرْتا ولا خـَـريثا!

أخْني إيوِخْ مْبَرْخ ِ لـْمَريا بگو خِلْمِتّا دْبانِـخْ بـَـيثا!